Ocio e hábitos culturais dos galegos
O 79,8% dos galegos asiste polo menos algunha vez ao ano a algún espectáculo ou evento cultural. A actividade cultural preferida polos galegos é a visita aos museos e exposicións de arte, sendo a asistencia a concertos de música clásica e ópera a menos atractiva (capítulo 1). Acceda ao documento
Máis información
A través deste informe preténdese dar un paso máis no coñecemento do comportamento cultural dos galegos, das súas preferencias, dos seus costumes e hábitos, a través de cuestións referenciais como a asistencia a espectáculos e eventos culturais, o consumo de medios de comunicación, a lectura ou a práctica deportiva.
Realizado polo Observatorio da Cultura Galega, este estudo é froito da colaboración entre o Consello da Cultura Galega e o Instituto Galego de Estatística co fin de analizar os datos recollidos no módulo específico de ‘Ocio e hábitos culturais 2006’, incluído na Enquisa de condicións de vida das familias, unha macroenquisa anual dirixida aos fogares galegos, co obxecto de obter información sobre as súas características socioeconómicas.
