Curso “Entre revolución e reforma: Cuestión agraria e asociacionismo rural 1874-1939″

O curso “Entre a revolución y a reforma: Cuestión Agraria e asociacionismo rural-1874-1939″ , organizado polas Fundacións Luís Tilve e Pablo Iglesias e a Universidade de Santiago de Compostela, desenvolverase entre os días 1 e 4 de xullo, ambos os dous inclusive, no salón de actos do Consello da Cultura Galega. Entre os relatores figuran Ramón Villares, Lourenzo Fernández Prieto, Miguel Cabo Villaverde, María Xosé Rodríguez Galdo ou Xaime Barreiro Xil.

A exposición “Galicia 25. Unha cultura para un novo século”, ata o 19 de xullo en Lugo

A exposición itinerante e interactiva “Galicia 25. Unha cultura para un novo século. Consello da Cultura Galega, 1983.-2008” pode verse desde o 10 de xuño ao 19 de xullo no Pazo de San Marcos-Deputación Provincial de Lugo.
Horarios: De luns a venres: de 10:30 a 14 horas e de 16:30 a 20:30 horas. Sábados: de 10:30 a 14 horas e de 16:30 a 20 horas. Domingos: de 11 a 14 horas.

O IX congreso da Asociación Internacional de Estudos Galegos reunirá a 200 relatores e reflexionará sobre “Galicia nos contextos globais”

Santiago de Compostela, 1 de xullo de 2009.- Máis de douscentos participantes intervirán no IX Congreso da Asociación Internacional de Estudos Galegos (AIEG), que terá lugar do 13 ao 17 de xullo en Santiago de Compostela, Vigo e A Coruña.  Convocado baixo o epígrafe “Galiza nos contextos globais: perspectivas para o século XXI”, o congreso conta coa activa colaboración das tres universidades galegas e do Consello da Cultura Galega, onde hoxe foi presentado o programa nun acto que contou coa participación de Ramón Villares, Presidente da institución e do titular da AIEG, Burghard Baltrusch.

Continúe lendo…

“Temos diante paisaxes desancorados do territorio que abrazan o seu novo correlato banal, paisaxes en folga”, afirmou o xeógrafo Francesc Muñoz

Santiago de Compostela, 30 de xuño de 2009.- “A urbanalización constitúese como un proceso absoluto de simplificación urbana, de perda da diversidade e da complexidade que pode e debe conter a cidade  e por eso é urxente propoñer un urbanismo urbano e non urbanal”. O xeógrafo Francesc Muñoz explicou así o proceso “Urbanalización. Paisaxes comúns, lugares globais” na súa intervención na xornada “Arte + espazo público”, organizada pola Sección de “Creación e artes visuais contemporáneas” e celebrada esta tarde no Consello da Cultura Galega.

Continúe lendo…

Ramón Villares pronunciará a conferencia inaugural do congreso “Emigración e Educación. 1900-1936″ en Nigrán (Pontevedra)

Santiago de Compostela, 26 de xuño de 2009.- O Presidente do Consello da Cultura Galega, Ramón Villares, pronunciará a conferencia inaugural do congreso “Educación e emigración (1900-1936)”, organziado co gallo do I Centenario das Escolas da Unión Hispano-Americana Valle Miñor”, o luns 29 de xuño, ás 20´30 horas no IES “Escolas Proval” de Nigrán (Pontevedra). Villares presentará o relatorio “Vellas e novas olladas sobre a emigración galega”. As sesións do congreso prolongaránse ata o 3 sde xullo e contarán coas intervencións de 23 expertos. O Consello da Cultura Galega colabora neste evento a través do seu Arquivo da Emigración Galega e, ademais, leva á ese escenario a súa exposición “Nós mesmos. Asociacionismo galego na emigración”, que tamén pode verse en Rosario (Arxentina).

Continúe lendo…