A paisaxe é un concepto antropocéntrico e actualmente o seu interese ten unha importancia crecente e unha indubidable relevancia

Santiago de Compostela, 8 de maio de 2008.- “A paisaxe é un concepto antropocéntrico e un dos recursos naturais e culturais que sustentan a humanidade e actualmente o seu valor e o seu interese teñen unha importancia crecente”. Francisco Díaz Pineda, catedrático de Ecoloxía da Universidade Complurense de Madrid, expresouse así no seu relatorio “A ecoloxía da paisaxe”, incluído no foro de debate “Olladas críticas sobre a paisaxe”, iniciado onte e que esta tarde concluirá, logo das intervencións de profesores e investigadores de universidades de Galicia, España, Portugal, Francia e Italia. Trátase do segundo dos seis organizados polo Consello da Cultura Galega ó longo de 2008 para conmemorar os seus 25 anos (1983-2008).
Continúe lendo…

O Consello da Cultura Galega catalogará as escolas construídas e financiadas polos emigrantes en Lugo e Ourense

Santiago de Compostela, 8 de maio de 2008.- O Presidente do Consello da Cultura Galega, Ramón Villares, e o Secretario Xeral de Emigración, Manuel Luís Rodríguez, asinaron hoxe un convenio para a realización dun catálogo de todas as construcións escolares financiadas desde a emigración, nas provincias de Lugo e Ourense, a elaboración dun espazo virtual educativo e a publicación facsimilar e difusión do “Almanaque Gallego”. O presuposto é de oitenta e cinco mil euros e será afrontado ao cincuenta por cento polas dúas institucións. O traballo realizase durante este ano e supón unha continuidade no traballo que ven desenvolvendo o Consello da Cultura a través do Arquivo da Emigración Galega.

Continúe lendo…